Gagnreynda 8 vikna núvitundarnámskeiðið MBSR, skráning er hafin á lokanámskeið ársins.

Fullbókað hefur verið á öll MBSR námskeiðin síðan í vor.  Skráning er nú hafin á lokanámskeið ársins en þau byrja mánudaginn 26. október og miðvikudaginn 28. október og lýkur þeim um miðjan desember, þar að auki verður heill æfingadagur laugardaginn 5. des.  Námskeiðin verða frá 16:30-19:00.

Ef þú varst í hópi þeirra sem ekki komust að í ágúst eða september þá er tækifæri til að skrá sig til þátttöku núna. Þátttökugjald er 48 þúsund, allt innifalið líka matur og kaffi á laugardeginum. Skráning og frekari upplýsingar á palina@skreffyrirskref.is

Mindfulness-Based Stress Reducation (MBSR) eða “Að minnka streitu með vakandi huga” er fyrsta núvitundarnámskeiðið sem var þróað á Vesturlöndum, þar sem austræn viska og vestræn vísindi fléttast saman. Árið 1979 þróaði Jon-Kabat Zinn námskeiðið fyrir sjúklinga með langvarandi veikindi, bæði líkamleg og andleg. Á námskeiðinu er fólk leitt í gegnum leiðir til að auka vitund um og vinna markvisst með streitu, verki og veikindi  sem og kröfur og erfiðleika sem fylgja daglegu lífi.

Það má segja að öll núvitundarnámskeið sem hafa verið þróuð síðar byggi á MBSR að miklu leyti.

MBSR hefur verið mikið rannsakað síðastliðna áratugi og niðurstöður þeirra rannsókna hafa sýnt fram á að það gagnast fyrir eftirfarandi erfiðleika/veikindi:

  • Streitu
  • Verki
  • Kvíðaraskanir
  • Þunglyndi
  • Hjartasjúkdóma
  • Vefjagigt
  • Sóríasis
  • Krabbamein
  • MS sjúkdóminn

Markmið námskeiðsins er að þjálfa vakandi huga og auka meðvitund um það sem er að gerast á meðan það er að gerast án þess að dæma það.  Þjálfa sig í að bregðast við aðstæðum af yfirvegun í stað þess að bregðast við af gömlum vana og breyta ógagnlegri heilsutengdri hegðun í gagnlega hegðun.

Þetta er aðallega reynslunám (experiential learning) þar sem þátttakendur upplifa efnið á eigin skinni.  Námskeiðið samanstendur m.a. af hugleiðsluæfingum: að skanna líkamann (body scan), sitjandi hugleiðsluæfingar (sitting meditations), gangandi hugleiðsla og jógaæfingar (yoga). Einnig eru æfingar til að auka skilning og færni í mannlegum samskiptum og að skilja og vinna með streitu.

Nánari upplýsingar um námskeiðið, þjálfun Pálínu og umsagnir eldri þátttakenda eru á heimasíðunni.

Share
This entry was posted in Árvekni/Mindfulness, Námskeið í árvekni/núvitund/mindfulness. Bookmark the permalink.